Minam khempeuh tungah thukhenna.

Mt 25 : 31 – 46
Upna bek tawh tawntung nopsakna tun nading piang thei lo a, ih kiim ih paam a om, a cimawh mite tungah eite in thupha ih bawl ding, sepkhiatna zong a kisapna thu hi Laisiangtho tungtawnin ih thei thei hi.
Thupha bawl ding ih cih ciangin mite ii muh ding bekin thupha bawl hi lo-in eima nisim nuntakna sungah ih kiim ih paam a om, ei sangin a cimawhzaw mite tungah thupha ih bawl na pen Topa Jesu in kei tung ah hong thupha hong bawl na hi uh a cihna thu tuni eite in ih tel siam ding kisam hi.
Tua ahih manin upna bek tawh vantunggam ki tung zo lo a, upna tawh ki dungzui in sepkhiatna, thupha bawlna te ih neih den ding tuni Laisiangtho in hong phawk sak hi. Laisiangtho thulu in zong minam khempeuh tungah thukhenna a cih mah bangin mi khempeuh in Pawlpi a ki bat loh hangin Pasian thu um vive a hih manin tua upna dungzui in sepkhiatna anei dingin Topa Jesu in hong lunggulh hi. Hong deih sak hi.
Tua ahih manin eite in upna bek tawh hi lo-in, sepkhiatna tawh Topa’ nung a zui zo te ih suahzawh na dingin ih biak Topa Pasian in thupha hong pia ta hen.