Catholic Nisim Lungdamna Laisiangtho. Hun Nautaang Nipi Kaal (28) na. 16.10.2024 (Wed)
Luke 11:42-46
42. “Ahi zongin, no Pharisee-te aw, note in gimna na thuak ding uh hi! Bang hang hiam cih leh, leeng masel, thuambuak le huan anteh hing nam khempeuh sawm ah khat na piak uh hangin Pasian’ itna le thuman thutanna thudon lo na hih manun gimna na thuak ding uh hi. Hih thute zuih dingin a kilawm ahih mah bangin a tunga thute zong na pelh tuan kei ding uh hi.
43. No Pharisee-te aw, note in gimna na thuak ding uh hi. Bang hang hiam cih leh, kikhopna inn sungah tokhom thupi pente ah tut ding ahi zongin, sumbuk ah zahtakna tawh pibawlin hopih ding ahi zongin na ut uh hi.
44. Note in gimna na thuak ding uh hi. Bang hang hiam cih leh, kua han cih a kician nawnlo hankhuk tawh a kibang na hi uh hi. Mite in theilo uh ahih manin han tung tawnin a pai uh hi,” a ci hi.
45. Thukham hilhsiate khat in, “Sia aw, hih thute na gen ciangin kote zong hong selpho na hi hi,” ci-in a dawng hi.
46. Jesu in, “No thukham hilhsiate aw, no zong gimna na thuak ding uh hi. Bang hang hiam cih leh, mite’ tungah a puak zawh loh ding uh vante na suan uh a, tua ciangin amaute na huhna dingun na khutme dawn nangawn uh tawh na lawng kei uh hi. Hi in Topa’ Lungdamna Laisiangtho ahi hi.
