Kalay Diocese pen Kalay Zone, Khampat Zone, Tedim Zone, Tonzang Zone leh Saizang Zone cih bangin Zone (5) in kikhen hi.

Tua sungah Kalaymyo aa om St. Mary Biakinnpi pen Siampilian Siadawpa ii tutna mun leh Parish dangte aa dingin a etteh huai Parish (or) Biakinn cih ciaptehna in (Cathedral) cih min kivawh hi. Cathedral cih min pen Diocese bupin mun khat bek ah kipia hi. Tua ahih manin St. Mary’s Cathedral Parish (or) St. Mary Cathedral cih pen Diocese khat sungah a thupi penpen Parish (or) a thupi penpen Biakinn cihna zong hi pah hi.

St. Mary’s Cathedral Parish pen Kalay Zone sunga Parish (9) a om sungpan Parish khat ahi hi. Tu laitak in Kalay Zone sunga om Parish te leh acing akem Siampi te in a nuai aa bang ahi uh hi.

1. St.Mary’s Cathedral Parish, Kalaymyo – Msgr. John Deng Cin Khup (Rector) and Rev. Fr. Mark Khai Khan Dal (Associate PP)
2. St.Theresa’s Parish, Tahan
   Rev.Fr. Joseph Kap Tung Nung
3. Sacred Heart Parish, Phai-Hlaingtharyar- Rev. Fr. Damian Zam Sian Dal
4. Sts. Peter & Paul Parish, Tazin Qrt., Kalay Rev. Fr. Maximian Pau Sian Mung
5. Divine Mercy Parish, Taungzalat Qtr., Rev.Fr. Francis Pasi
6. St. Joseph’s Parish, Pyidawtha
   Rev. Fr. Andrew Cin Go Lian
7. Holy Family’s Parish, Ingyikhone
   Rev. Fr. Andrew Thang Ngaih Lian
8. St. Peter’s Parish,Munlai
   Rev. Fr. Robert Kam Khaw Hau
9. St. Gabriel’s Parish, Sakhangyi
   Rev. Fr. Wilfred Do Suan St. Mary Cathedral Parish huam sungah St. Joseph Nungak Siangtho te leh St. Theresa Nungak Siangtho te Sang khat tuak om uh hi. Tua te in St. Joseph’s Convent (St. Mary) leh St. Theresa’s Convent (Aungtitsa) cih te ah om uh hi.

St. Mary Cathedral Parish Sungah tulaitakin vaipuak nei Thuhilhsia (Catechist) mi (6) om in tua te in-

1. Sia. David Thang Kho Lian Pau
2. Sia Michael Kang Ngaih Lian
3. Sia Jude Hau Do Khup
4. Sia Stephen Gin Sian Khai
5. Sia Michael Thang Khan Khai
6. Sia Anthony Thang Khen Kap Tuang cih te ahi uhhi. St. Mary Cathedral Parish pen khawk (3) in kikhen in hih a tunga Sia (6) te in Khawk khat ah Sia nih ta in kikhen in thuzuite makaih uh hi. St.Mary Cathedral Parish sungah Kalaywa, seihkhin (Ayethaya), Seihkhin (Computer), kyikong Khua teng ki helin tu kum January, 2024 hunin ciaptehna ah Parish bup in Pawlpi thuzui inn (633) leh mimal (3241) pha hi.