Catholic Nisim Lungdamna Laisiangtho.Hun Nautaang Nipi Kaal (29) na.26.10.2024 (Sat)
Luke 13:1-9
- Tua laitakin ama kiangah mi pawlkhat hong pai uh a, Pilate mangpa in Galilee mi pawlkhatte’ sisan, amaute’ biakpiakna sa tawh a helgawp sakna thu Jesu’ kiangah a ko uh hi.
- Jesu in amaute’ kiangah, “Tua Galilee mite in hih banga a thuak manun a Galilee mipih dangte khempeuh sangin a mawhzaw dingin ngaihsun na hi uh hiam?
- Ken kong genin ah, mawhzaw tuan lo uh hi! Ahi zongin note na kisik kei uh leh note zong na vekun na kisia ding uh hi.
- Tua tham loin Siloam a tausang in a denlup mi sawm le giatte, Jerusalem khuapi-a teengte khempeuh sangin a mawhzaw hi dingin na ngaihsun uh hiam?
- Tua bang hi lo hi, ci-in note’ kiangah kong gen hi. Note khempeuh zong na mawhna uh na kisik kik kei uh leh, tua mah bangin na kisia khin ding uh hi,” a ci hi.
- Tua khit ciangin Jesu in amaute’ kiangah hih thugentehna gen a, “Mi khat in a leenggui huan sunga kisuan theikung khat a nei hi. Amah in a gah zong dingin a pai hangin bangmah mu lo hi.
- Tua ahih manin amah in huan nasempa’ kiangah, ‘En in, kum thum sung tua theikung gah a zong dingin kong paipai hangin a gah khat beek mu lo ka hih manin tua theikung na phuk in! Bang hangin lei hoih mawk beisak ding ahi hiam?’ a ci hi.
- Huan nasempa in, ‘Topa aw, tu kum hici koih phot in. Keimah in a phung kimkot to vungin, eklei ka sung ding hi.
- Kumkik ciangin gah hong gah ding hi! A gah kei leh tua ciangin phuk in,’ ci-in a dawng hi,” a ci hi.
Hi in Topa’ Lungdamna Laisiangtho ahi hi.
