Monthly Recollection of Diocesan Staffs at Diocesan Centre, Kalaymyo (25.10.2024)

Kalay Diocese sung a om Zum nasem ten khasim in a neih uh ahi October kha a ding Pasian thu lungngaihna pen Rev. Fr. Raphael Khuppi in hong maikaih hi.
A mah in “service” piakna cih laimal ii a deihna teng laihilh sangsia te zat dan, sumbawl te zat dan leh Pasian nasem te ii zat dan a ki lamdan na thu te hilhcian na nei hi.
Tua khitteh zum nasem te aa ding in “service” cih kammal pen midang te tungah service ih piak ciangin Pasian tungah ih piak service tawh a kibangin ngaih sun in pia thei leng hoih pen hi ci-in Mother Theresa ii mi zawngte tungah service a piak dan tawh genteh in hilhcianna pia hi.
Missa Biakpiakna pen Rev. Fr. Cyril (MEP), Rev. Fr. Andrew Go Nang leh Rev. Joseph Zo Mung te in hong makaih in kha-an vak na pen Rev. Fr. Joseph Zo Mung in hong nei hi.
A mah in tuni in a kisim lungdamna laisiangtho bulphuhin ei leh ih gamtatna te kisittel in mat kipia leng ih ki puahphatna ding mun kitel phadiak ding hi. Pasian in zong ih gamtatna tawh kizui-in mat hongpia ding ahihna thu phawkin ki puahphat theihnang thapiakna nei hi.