Ongoing Formation of Catechists in Tedim Zone (Oct 2-25, 2024)
Tedim Zone Siate Ongoing Formation 2024 pen Tuithang Khua ah 22-25 sungteng nuamtak in kibawl thei hi.
Zone sungaa om Siampi teng zong hong Kim thei uh a Zingsang sim Mass hong bawl sak uh in tha kingah mahmah hi.
Tedim Zone sungah thuhilhsia 36 ki om a, damloh na hangin Siate 3 hong pai theilo in thuhilhsia 33 kipai thei in cidam tak hunbei siangdong kizang thei tek hi.
Zone Topa lah ahi Diosece I Siate Director lah a hi Rev.Fr. John Paupi in Pawlpi bangci makaih ding Pawlpi tawh bangci tonkhop ding cih (Koinonia) tawh kisai worhsop hong bawlpih in lungsim te sung khia ziahziah in nop kisa mahmah hi.
Pasian Thu lungngaihna Fr.Bosco Pau in hong makaih aa Jn 3:16 bulphun in I Pasian nasep na ah What,How, Why cih tawh kitel tak in hong hilh hi.
Innteek in zong limtak in lengna hong do ban uh ah nitaksim lengkhawm kibawl in Pasian thutang ko na Fr Daniel Leh Fr Andrew Muang Tuang ten hong nei uh aa tha ki mahmah hi.
Topa te Siate nitak lam ta Innteek Topa ii hong leisak puan tawh Volleyball, chinlong leh Fusal kimawl in nuam kisa mahmah hi.
Thuzui te sungpan Pa Song Heh Mang te innkuan in Siampi te le Siate Sunan lim mahmah nekkhat a inn ah hong Sam Giatin hong vak uh hi.
Sum le Paai tawh hong huhte An hong huansak te leh a vaituamtuam tawh hong buaipih khempeuh tungah Sia te lungdam mahmah hi ung.
Topan Thupha hong pia Kim ciat ta hen.Amen.
By- Sia Joseph Kim
