ရိုးရာခွါဒိုးပွဲတော် at New Lallim Village (17.10.2024)
Tamu Parish acing akem Rev. Fr. Martin Dal Ngaih Do ii vaihawm siamna tawh Lallim Khuathak ah Tamu Parish Level in Zo Ngeina Khuado Pawi Missa Biakpiakna Noptakin kibawl hi.
Hih Pawipi sungah Siampi (5), Nungak Siangtho (11) leh thuzuimi (800) kim pha dingin ki lamen hi.
Khuado Pawi Lungdamkoh Missa Biakpiakna pen Rev. Fr. Joseph Zo Mung (OSC & RVA Director) in makaih in Inntek Siampipa Rev. Fr. Martin Dal Do in Zongeina ii a thupit zia, Khudo Pawi tawh kisai a theihhuai thu te leh Ih Ngeina hoih te kemcing in Pasian min ih phat theih semsem nang hilh cian na nei hi.
Missa Biakpiakna a mankhit ciang (Singsong Service) lenkhopna nasiatak in ki bawl hi.
Hih Lallim Khuathak pen Gamsung vai buaina a om ciangin Galtaina mun in a kizang khua hi-in Tamu Siampipa Fr. Martin Dal Do in galtai te in koi koi ah om ta leng ih Pasian leh ih Pawlpi in eite hong nusia ngeilo cih a phawk semsem theih nadingun thapiakna tawh Parish level in Khuado Pawi hi mun ah a bawlsak ahi hi.
Khampat Zone aa om Siampite leh Nungak Siangtho te aa ki pan India Gam Joldam aa om Siampi khat, Nungak Siangtho (2) leh Boarder naupangte zong kihel thei uh a hih manin Inntek Khua te in thangah thei mahmah uh hi.
