Catholic Nisim Lungdamna Laisiangtho. Hun Nautaang Nipi Kaal (30) na. All Souls Day. 2.11.2024 (Sat)

Mark 15:33-39,16:1-6

33. Sunkim,* nai sawm le nai nih pan nitak nai thum dongin leitung khempeuh khua a mial hi.
34. Nai thum laitakin Jesu in, “Eloi, Eloi, lema sabachthani,” ci-in nakpi-in a kiko hi. A khiatna in, ‘Ka Pasian, ka Pasian aw, bang hangin kei hong nusia na hi hiam?’ a cih nopna ahi hi.
35. Tua lai-a ding mi kimkhat in a zak uh ciangin, “Ngai un, amah in Elijah sam hi,” a ci uh hi.
36. Tua ciangin mi khat va tai a, tui hupna la-in leenggahzu hau sungah a diah khit ciangin, pumpeeng ciang dawnah koihin Jesu dawn dingin a pia hi. Amah in, “Na khawl un, Elijah hong pai-in amah a lakhiat leh a lakkhiat loh, en phot ni,” a ci hi.
37. Tua khit ciangin Jesu nakpi-in kiko a, tua ciangin a si hi.
38. Tua laitakin biakinnpi puandal, a lu pan a taw dong kikekin phel nih a suak hi.
39. Tu-in Jesu’ mai-a ding galkap za khat a uk mangpa in ama kikona le a sihzia a muh ciangin, “Hih pa Pasian’ Tapa taktak ahi hi!” a ci hi.
40. Sabbath ni a bei khit ciangin Mary Magdalene, James’ nu Mary le Salome-te in Jesu’ luang a zutna ding uh paknamtui a va lei uh hi.
41. Ni sagih lakah ni masa ni, zingsang tung, ni a suah tungin amaute han hawhin a pai uh hi.
42. Amaute in, “Han kongvang hukna suangtum kua in hong likkhiatsak ding ahi hiam?” ci-in khat le khat a kikum uh hi.
43. Amaute in a et toh uh ciangin a lian mahmah tua suangtumpi kilikkhia khin-a om a mu uh hi.
44. Amaute han sungah lut uh a, tangval khat puanpak silh, a taklam-a tu a muh uh ciangin patau-in lamdang a sa mahmah uh hi.
45. Ahi zongin vantung mi in amaute’ kiangah, “Lau kei un, singlamteh tunga kithat Nazareth mi Jesu a zong na hi uh hi. Amah thokik khin zo hi. Hih laitak ah amah om nawn lo hi. Ama luang kisialna mun hong en un.

Hi in Topa’ Lungdamna Laisiangtho ahi hi.