Gimna neu sunga om kha te ading thu ngetsak zia ding

Catholic te in November kha in gimna neu sunga om kha te phawk phadiak hi. A si khinsa innkuanpihte, ih lawmte, ih meltheihte leh a ki mangngilh kha te adingin hih anuai a bangin thu ki ngetsak thei, ki huh thei hi.
Gimna neu sunga om kha te adingin Novena bawlin thungetsak na.
Gimna neu sunga om kha te adingin Siangtho Pumpi Sangin thungetsak na.
Gimna neu sunga om kha te adingin khi gui khat khinna tawh thu ngetsak na.
Gimna neu sunga om kha te adingin han ah hawhin thu ngetsak na.
Gimna neu sunga om kha te adingin Missa ngetsak na.
Gimna neu sunga om kha te adingin Siangtho Pumpi buuk ah pai-in thu ngetsak na.
Gimna neu sunga om kha te adingin ki deekna, ki piakkhiatna te bawlsak na.
Gimna neu sunga om kha te adingin leitang tungah tui siangtho theh sak na.
Gimna neu sunga om kha te adingin tawntung nopsakna thungetna ngetsak na.
Misi te khempeuh tungah tawntung nopsakna na pia in Topa aw.
Tawntung khuavakna zong amau tungah na taangsak in.
Topa Pasian hehpihna hangin thuzui khempeuh kha in nopsakna ngah ta hen.
Amen.