Catholic Nisim Lungdamna Laisiangtho. Hun Nautaang Nipi Kaal (32) na. 15.11.2024 (Fri)

Luke 17:26-37

26. Noah’ hun lai bangin Mihing’ Tapa’ ni ciangin zong a piang ding hi.
27. Noah’ teembaw sungah a lut ni dongin mite in an ne tui dawnin, kipi kiteengin, mopawi bawlin a om uh hi. Tua hunin tuiciin tunga amaute khempeuh a si khin uh hi.
28. Lot hun lai-in zong tua mah bangin mite in an ne tui dawn, sum lei sum zuak, khaaituh, innlamin a om uh hi.
29. Ahi zongin Sodom khua pan Lot a paikhiat ni-in, vantung panin kaat le meikuang zusuk a, amaute khempeuh a kangtum uh hi.
30. Mihing’ Tapa hong kilah ni ciangin tua mah bangin a piang ding hi.
31. Tua ni-in inn khum tunga omte kuamah inn sunga a vante la dingin kumsuk kei hen. Tua mah bangin lo lai-a omte inn ah ciahkik kei hen.
32. Lot’ zi na lungngai un!
33. Ama nun- takna a hu nuam peuhmah in a nuntakna a mansuah ding hi. A nuntakna a mansuah peuhmah in a nuntakna a ngah ding hi.
34. Ken kong genin ah, tua zanin lupna khat tunga a lumkhawm mi nih’ lakah khat kila-in khat kinusia ding hi.
35. An gawi khawm numei nih’ lakah khat kila-in khat kinusia ding hi;
36. lo lai-ah mi nih’ lakah khat kila-in khat kinusia ding hi,” a ci hi.
37. Tua ciangin amaute in Jesu’ kiangah, “Topa aw, koi lai-ah tua bangin piang ding ahi hiam?” ci-in a dot uh ciangin, Jesu in, “Sapul omna peuhpeuh ah musanete a kikhawm ding uh hi,” a ci hi.

Hi in Topa’ Lungdamna Laisiangtho ahi hi.