Catholic Nisim Lungdamna Laisiangtho. Hun Nautaang Nipi Kaal (33) na. 18.11.2024 (Mon)

Luke 18:35-43

35. Jericho khuapi ah Jesu a tunkuan ciangin mittaw khat in khutdawh ngenin lam gei-ah a na tu hi.
36. Tua mittawpa in mihonpi lampai a zak ciangin, bang thu piang ahi hiam, ci-in a dong hi.
37. Amaute in, “Nazareth mi Jesu hong pai hi,” ci-in a gen uh hi.
38. Tua ciangin amah in, “David’ Tapa, Jesu aw, kei hong hehpih in,” ci-in a kiko hi.
39. A mai-a pai mite in tua pa a daihna dingin nakpitakin thu a piak uh hangin, “David’ Tapa aw, kei hong hehpih in,” ci-in nakpi-in a kiko semsem hi.
40. Jesu zong khawl-a ama kiang ah tua pa a paipihna dingun thu a pia hi.
41. Mittawpa a kiang a tun ciangin Jesu in, “Bang kong hihsak ding deih na hi hiam?” ci-in a dong hi. Amah in, “Topa aw, khua ka mu kik nuam hi,” ci-in a dawng hi.
42. Jesu in ama kiang ah, “Khua mu ta in; na upna in nang hong honkhia zo hi,” a ci hi.
43. Amah in thakhatin khua mu pah a, Pasian’ phatin Jesu’ nung a zui hi. Mi khempeuh in hih thu a muh uh ciangin Pasian a phat uh hi.

Hi in Topa’ Lungdamna Laisiangtho ahi hi.