The (15) Anniversary of Priestly Ordination was Solemnly Celebrated by (12) Priests of Kalay Diocese at Assumption I termediate Seminary, Kalaymyo on Nov 15, 2024
Kalay Diocese sung pan Siampi (12) te ii Siampi Suahzawh kum (15) cinna Lungdamkoh Missa Biakpiakna Pen His Excellency Bishop Felix Lian Khen Thang ii makaihna tawh Kawlpi, Siadawhuang Siampi Sinna Sangah noptakin kibawl hi.
Tua sungah Siampi suahzawh kum (15) a cing Siampi (12) lakpan (7) kihel thei in Kalaymyo sunga om Siampi teng, Nungak Siangtho teng, Thuhilhsia teng, Siampi Sinna leh Nungak Siangtho sinna sangah Sangkah teng kihel in mi vekpi (250) kim ki pha thei ding hi.
Pasian kammal tawh kha-an vak na pen Rev. Fr. Damian Dal in hong nei in a mahin amah in Siampi khat ii manphatna leh Pasian in amauteng kum (15) sung a zat manin a lungdamna thu te uh hong pulak khia hi.
Lungdamkohna pen Rev. Fr. Paulinus Muan Lian in a lawmte teng tangin lungdamkohna thu a hong gen banah tuni in Pawi a bawlzawh na uh tawh kisai in a theih huai thu manpha te hong gen khia hi.
Missa Biakpiakna pen zingsang nai (9:30) in ki pan in hun manciang sunan nekna noptak in ki nei hi.
Tuni pen ih Diocese sungah Siampi (12) te kipawl khawm in Diocese Lelvel in Pawi lian pi a kibawl cilna a hih manin lungdam huai leh etteh huai mahmah hi.
Hi bangin kithutuak takin pawi a bawl khop zawh den nangun thu ngetsak ciat ni.
