Church’s World Day of the Poor (17.11.2024)

A Lianbel Siampipa Pope Francis in AD- 2016 Nov 20 ni-in a gelh Apostolic Letter sungah Hun Nautang Sungah Nipi (33) na pen “Church’s World Day of the Poor” “Leitungbup ah Pawlpi ii Mizawng/ Micimawh Te Ni” ci-in ciapteh dingin hong tangko khia hi.
Tua tawh ki zui-in 2017 kum pan ki pan Pawlpi in tua ni pen Mizawngte ni ci-in ciamteh in Mizawng te aa ding pawi bawlsak den uh hi.
Tu (2024) kum Hun Nautang Nipi (33) na pen Nov 17 ni tawh kituak hi.
Tua ni pen Rome, Vatican khuapi ah Pope Francis makaihna tawh Mizawngte aa ding Missa Biakpiakna picing takin a ki bawl khitteh Rome kim aa om Mi a zawng zawdeuh (1300) leh tua te aa ding na a sepsak mi (340) te sun-an vakna nasia tak in nei hi.
Ih Pawlpi in Kha-an a hongpiak bek thamlo in leitung taksa aa ding zong anletui te pia den hi.
Ih Pawlpi in Mizawngte nisim naisim in a huh den bekthamlo in amaute ni zong ciapteh sak in tua ni-in Pawi bawlsak den hi.
Hi bangin na hoih sep zawh den nangin Pawlpi hong makaih te aa dingin thu ngetsak den ni.