Catholic Nisim Lungdamna Laisiangtho. Hun Nautaang Nipi Kaal (34) ni. Christ The King. 24.11.2024 (Sun)
John 18:33-37
- Tua khit ciangin huang sungah Pilate mangpa lut kik a, Jesu samin, “Nangmah in Jew mite’ kumpipa na hi hiam?” a ci hi.
- Jesu in, “Nangma thu tawh hih banga hong dong na hi hiam? Ahih kei leh, midangte khatpeuh in keima thu hong gen ahi hiam?” ci-in a dawng hi.
- Pilate in, “Keimah in Jew mi hi lo ka hi hiam? Nangma minamte le siampi makaite in keima’ khut sung ah nang hong pia uh hi. Nang in bang tatkhialhna nei na hi hiam?” ci-in a dong hi.
- Jesu in, “Keima kumpi gam in hih leitung hi lo hi. Keima kumpi gam in hih leitung hi leh, Jew mite’ khut sung ka tun’ lohna dingin ka nungzuipite in a do ding uh hi. Ahi zongin ka kumpi gam in hih lai-ah om lo hi,” a ci hi.
- Pilate mangpa in Jesu’ kiangah, “Tua bang ahih leh nang, kumpi na hi hiam?” ci-in a dong hi. Jesu in, “Na cih bangin keimah in Kumpi ka hi hi. Bang hang hiam cih leh Keimah in hih thu hangin kong suak a, thuman thutak teci a pang dingin hih leitung ah kong pai hi. Thuman thutak a deih mi khempeuh in keima aw a ngai uh hi,” a ci hi.
Hi in Topa’ Lungdamna Laisiangtho ahi hi.
