Pope Francis in Kawlgam ading thunget sak nang hanthawn
Pope Francis in November 24 nipini Christu Kumpipa pawini sun, “Angelus” thunget man khit ciangin mikhempeuh thunget khopna in kilemna ngah na ding akisap penna hong genzel mah bangin nungkal in hong hanthawn kik hi.
Pope in amah tawh “Angelus” thungen khawm dingin leitung munkhempeuh pan hong pai thuzui mipite kiang ah gamsung ah buaina athuak te ading thunget sakding leh adiakdiak in akitam zan kawlgam ading thunget sak nading hanthawn hi. (November 25 1920) pen Kawlgam tangthu ah amasa pen college sangnaupang te lungphona ni ahih na thu te phawk kik na in hantawn na nei hi.
Pope Francis in “November 25 ni pen amasapen college sangnaupang te lungphona aneihni ahihlam hong phawk sak kik ingh. Tua lungphona in aki khah suah ahi gam ii suahtak na ngahkik na dingin gamsung aa mipite lampi ah hong pai khia sak hi. Tua mah bangin kilemna, Democracy ngahna dingin kawlgam mipite in tuniciang dong hanciam lai hi. Linglawngna te athuak aom mipi te kahehpih mahmah hi, adiakdiak in nasiatak in kidona aom namun aa mipite, amau leh amau aki dal thei lo naupangno te, pitek putek te, galtai te, natna satna tawh akidim mite, minam leh biakna thu te tawh zawhtawh na athuak mipite hong lainat pih mahmah ingh, tulaitak gamvai ah apa kipawlna tuamtuam te in ih galhiam te khia in mipi tel theih ding, mikhempeuh apa thei, tawntung kilemna ding teci apang thei thu kikup na te kipat na ding kong hanthawn hi ” ci-in hong gen khia hi. Tua thamlo in Ukraine, Palestine, Israel, Lebanon leh Sudan gam te ading thungetsak ding zong hanthawn lai hi.
