Catholic Nisim Lungdamna Laisiangtho. Adventu Nipi Kaal (1)Ni. 1.12.2024 (Sun)
Luke 21:25-28.34-36
- “Ni, kha le aksite’ tungah limte hong kilang ding hi. Leitung ah tuipi lian le tuihual kilok gingte hangin minam khempeuhte lungmangin a dah ding uh hi.
- Leitunga a tung ding gimna teng mite in ngaihsun kholkhol ding uh a, kihta-in lau-in a sibup ding uh hi, bang hang hiam cih leh, vantunga om vangliatnate a kiliing ding uh hi.
- Tua ciangin vangliatna le minthanna tawh meii lakah hong paisuk Mihing’ Tapa amaute in a mu ding uh hi.
- Tu-in hih thute hong pian a kipat ciangin note khuadak unla na lutang uh phongto un. Bang hang hiam cih leh note hong kitatkhiatna ding hun hong nai ta hi,” a ci hi.
- “Note in a val lua-a nekna dawnna le hih leitung nuntakna ding lunghihmawhnate hangin na lungsim uh na gimsak lohna dingun na kikem un. Tua bang hi kei leh tua Ni in thang kisai bangin note’ tungah thakhat thu-in hong tung ding hi.
- Bang hang hiam cih leh leitung bup a teeng mi khempeuh tungah tua ni hong tung ding hi.
- Tua ahih manin note kikemin pilvang takin a tawntungin na ngak gige un. A hong piang ding tua thute khempeuh tawh na kipelh theihna ding uh le, Mihing’ Tapa mai-ah na din’ theihna dingun thu na ngen un,” a ci hi.
Hi in Topa’ Lungdamna Laisiangtho ahi hi.
