A Lianbel Siampipa Pope Francis in Pyay Diocese ah Siadaw a sem dingin Msgr. Peter Tin Wai a teelna thu tuni nitak lam nai (5:30 PM) in Vatican Zumpi pan Leitungbup ah tangko khia ahih manin lungdam huai mahmah hi.
Siampilian (Bishop) a suak thak ding Msgr. Tin Wai pen tu-in kum (57) pha in Siampi a suahzawh kum (25) pha ta hi.
A mah pen Pyay Diocese aa dingin thakhat thu in (Diocesan Bishop) a sem pah dingin a kiteel ahi hi.
Feb 22, 2025 ni ciangin amah pen Diocesan Bishop suahnaza ki pia ding hi.
Buaina omlo in vai khempeuh Khasiangtho Pasian in a hong tangtun pih nangin thu ngetsak ciat ni.