Catholic Nisim Lungdamna Laisiangtho. Adventu Nipi Kaal (2)Na. 13.12.2024 (Fri)

Matthew 11:16-19

16. “Ahi zongin keimah in hih khang mite bang tawh ka genteh ding hiam? Vanzuakna munte a, a tu naupangte tawh kibang uh hi. Tua naupangte in a lawmte tawh kigal otsan uh a:
17. ‘Tamngai ka tum uh hangin na lam kei uh a, dahla ka sak uh hangin na kap kei uh hi,’ a ci uh hi.
18. Bang hang hiam cih leh, John hong pai-in an ne lo, tui dawn loin a om ciangin, ‘Dawi lawm neipa,’ a ci uh hi.
19. Mihing’ Tapa hong pai-in an ne tui dawn-in a om ciangin, ‘En un hih mipa, zu hai an haipa, siahdongte le mawhneite’ lawmpa,’ ci zel uh hi. Ahi zongin pilna in ama gamtatnate hangin diktansakna a ngah hi,” a ci hi.

Hi in Topa’ Lungdamna Laisiangtho ahi hi.