Monthly Recollection of CRCK at St. Joseph’s Convent (6.12.2024)

က​လေးသာသနာရှိ ဂိုဏ်း​ပေါင်းစုံ သူ​တော်စင်များ၏ လစဥ်​နေ့တစ်၀က် ၀တ်​စောင့်ခြင်းကို (၆.၁၂.၂၀၂၄)ရက်​နေ့တွင် စိန့်ဂျိုးဇက် သီလရှင်​ကျောင်း၊ စိန့်​မေရီ ကယ်သီဒြယ်၌ ကျင်းပခဲ့သည်။
၄င်း၀တ်​စောင့်ပွဲကို Rev. Fr. Andrew Gutu ကဦး​ဆောင်ပြီး သူသည် အလုပ်နှင့်ဆု​တောင်း​မေတ္တာ ​ပေါင်းစပ်နိုင်မှ ​ကောင်းကြီး ရရှိမှာဖြစ်ပြီး မရိုးသားသည့်အလုပ်ကိုလုပ်ရင်​တော့ ကောင်းကြီးရနိုင်မှာ မဟုတ်ကြောင်းကို ရှင်းပြရင်း တစ်ဘ၀ အတွက် အလုပ်လုပ်မည့်အစား ထာ၀ရအတွက် အလုပ်လုပ်ဖို့ရန် လိုအပ်​ကြောင်း သွန်သင်ခဲ့ပါသည်။
မစ္ဆားတရား​တော်မြတ်ကို Rev. Fr. Joseph Zo Mung ဦး​ဆောင်ပြီး သူသည် သခင်​ယေဇူးကမျက်ကန်း​သောသူ တစ်ဦးကို ကုသသည့်အ​ကြောင်း ကိုးကားရင်း ငါတို့ယုံကြည်သည့်အတိုင်း သခင်​ယေဇူးက လုပ်​ပေးတယ်၊ သခင်​ယေဇူးက အရာအားလုံးကို တတ်နိုင်​တော်မူ​သော ဘုရားဖြစ်တယ်ဆိုတာကိုသတိရပြီး ယုံကြည်ခြင်း တိုးပွား​စေဖို့ တိုက်တွန်းရင်းငါတို့လုပ်ရပ်က ငါတို့၏ယုံကြည်ခြင်းကိုပြသတာဖြစ်သည့်အတွက် ငါတို့၏ ယုံကြည်ခြင်းနှင့် အပြုအမူများကို အမြဲတမ်းပြန်လည်စမ်းစစ်ပြီး မာသာရ်ထ​ရေဇားကဲ့တို့ တစ်ပါးသူကို ကူညီတတ်ဖို့ ကြိုးစားကြပါစို့လို့ မြွတ်ကြားခဲ့ပါသည်။
၄င်း၀တ်​စောင့်ပွဲတွင် ဘုန်း​တော်ကြီး (၂)ပါးနှင့် သီလရှင် (၃၁) ပါးပါ၀င်ခဲ့ကြသည်။ မစ္ဆားတရားအပြီးတွင် စိန့်ဂျိုးဇက်သီလရှင်များမှ တည်ခင်း​ ဧည့်ခံ​ကျွေး​မွှေးထား​သော ​နေ့လယ်စာကို သုံး​ဆောင်ခဲ့ကြသည်။