RC ten Tonu Maria bia maw?
- Dotna: RC ten Tonu Maria bia maw?
Dawng na: RC ten Tonu Maria bia lo, ahih hang in, zahtakna pia (adoration, worship leh veneration ki bang lo hi) (bia leh zahtak piakna ki bang lo), Hite pen lungsim/ lungtang sung ah apiang thu ahi hi. Apua lam thu tawh thu ki khen thei lo hi. Ko RC te lungsim ah ka biak le ka biak lo uh, nang na thei zo kei ding hi. Tonu Maria bia kei ung ka cih uh leh a bia lo ka hi uh hi. Bang hang in bia uh teh hong cici uh na hi uh hiam?
- Dotna: Ahi leh bang hang in, Tonu Maria lim mai ah khukdin in, na lu uh kun sak na hi uh hiam? (Thu Hilhkikna 5:8-9) Akiseek milim mai ah kun lo ding.
Dawng na: Lun kun na le khukdin na khempeuh abia hi ki ci thei lo hi. Zahtkana leh itna ki lak na zong ahi thei lam phawk in. Genteh na, *Japan te khat leh khat aki muh ciang un, ki lun kun in zahtakna ki pia uh hi. Tua pen khat le khat ki bia uh hi ki ci thei lo hi.
*Kumpi te mai ah anautangte khukdin na in, akumpi pa uh Pasian dan a abia uh hi lo hi.
Gamkhat i alan (flag) mai ah lukun na in biak na hi lo-in, zahtak piak na hi.
*Tangval khat in, nu ngak khat, a it a ngai na a lak na ding in, present apiak ciang in zong khuk din sa in zong pia thei hi. Pasal pan a nu ngak nu abia hi lo hi.
*Pawlkhat te LST a khut a lenkawm in, khuk din a., thu a nget na in, a LST bia hi ki ci thei lo.
Joshua 7: 6 Joshua le Israel upate, topa thuciamna singkuang mai ah, boksuk uh hi cih pen ki mu thei hi.
- Dotna: RC ten Maria kiang ah thu ngen maw?
Dawng na: Hi bel pawldang te i, a thu thei lo pi a hong ko na uh ahi hi. RC ten Tonu Maria kiang ah thu ngen lo. Pa Pasian, Jesu Christu le Kha Siangtho tung bek ah ngen. Khi thu nget na ka nget ciang un zong, Tonu bel in, ahih kei leh Tonu tawh kipawl in, Topa Jesu min suang in, Pa Pasian kiang ah aki ngen ahi hi.
- Dotna: Pasian le ei mihing te ki kal ah Jesu bek palai asem hi lo maw?
Dawng na: Jesu Christu pen Pa Pasian leh mite ki kal ah, mawh na pan hong gumkhia, Pasian le leitung kilemna abawl pa hi mah hi. Ahi zong in, LST sung ah zong khat leh khat thu na ki nget sak un a ci hi cih pen phawk ding kisam hi. Tu hun lai ciang in zong, i siate kiang ah thu hong nget sak in maw ci-in i gen thei hi. Tua te palai maw?
- Dotna: RC te LST sim khuan ngahlo maw?
Dawng na: RC ten LST sim ding ki han thawn tawn tung. Ahi zong in, eima deih dan in, a khiatna khiat ding ki deih lo hi. RC te in, LST i akhiatna aleh ciang in, BIBLE, SACRED TRADITION, MAGISTERIUM hi ten ki etka hi. (2 Peter 1:20-21) na sung ah ” Na phawk ding uh a thupi mahmah khat in: Lai Siangtho sunga om thugen kholhnate, kuamah in ama pilna tawh a khiatna gen thei lo hi.………………”
(2 Timothy 2:2; 4:3-4) (2 Timothy 1:13-14) (1 Timothy 4:1)
- Dotna: RC ten Milim bia maw? (Paikhiatna 20:4-5; 32:31…)
Dawng na: Pasian in milim biak lo ding agen mah bang in, RC ten Milim ki bia lo hi. Ahi zong in, biakna ah aki zang ding in ki bawl hi. Pasian in, na bia kei un bek ci a, na bawl kei un ci lo ahi hi. Tua hang in, hih anuai a Lai Siangtho te ah Lim bawl nate i mu thei hi. (Paikhiatna 25: 18-22) (Khang Tangthu masa 28:18-20) (Ezekiel 41:17-26) (Gamlak vakna 21:8-9) (Kumpi masate 6:23-38; 8:6-7)
N.B. RC pawlpi thu atel lo athei lo pi in, na gen siatna tawh amanpha na hun te zang kei in la, Pasian thu tangzai na ding in zang in, Pasian thupha nasang kha zaw ding hi.
#A thei le a tel siam ding in i Biak Pasian in khat ciat tung ah thupha hong pia kim ta hen.
By Fr.Paulinus
