Catholic Nisim Lungdamna Laisiangtho. Hun Nautaang Kaal (1) Na. 18.1.2025 (Sat)

Mark 2:13-17

13. Khatvei tuipi gei-ah Jesu a pai leuleu hi. Mihon tampi ama kiangah va pai uh a, amah in amaute thu a hilh hi.
14. Amah a pai kawikawi laitakin Alphaeus’ tapa Levi, siahdonna buk ah tu-in a om mu a, Jesu in ama kiangah, “Ka nung hong zui in,” a ci hi. Tua ciangin Levi dingto-in a nung a zui hi.
15. Tua ciangin Jesu in Levi’ inn ah nitak an ne a a tut laitakin siahdongte le mawhnei tampite zong amah le a nungzuite tawh a tukhawm uh hi, bang hang hiam cih leh amah a zui mi tampi a om hi.
16. Jesu in mawhneite le siahdongte tawh an a nek khawm Pharisee-te le lai siangtho siamte in a muh uh ciangin, “Amah in bang hangin siahdongte le mawhneite tawh ankuang umkhawm ahi hiam?” ci-in a nungzuite’ kiangah a dong uh hi.
17. Jesu in hih thu a zak ciangin, “A cidamte in siavuan kisam lo uh a, cinate bek in a kisam uh hi; keimah in midikte a sam dingin hong pai ka hi kei a, mawhneite a sam dingin hong pai ka hi hi,” a ci hi.

Hi in Topa’ Lungdamna Laisiangtho ahi hi.