Catholic Nisim Lungdamna Laisiangtho.Hun Nautaang Kaal (3) Na.27.1.2025 (Mon)
Mark 3:22-30
- Tua ciangin Jerusalem khuapi pana hong paisuk lai siangtho siamte in,“Ama sungah Beelzebul lut hi! Amah in dawite’ kumpipa suangin dawite a hawlkhia hi,” a ci uh hi.
- Jesu in amaute sam a, gentehna tawh thu a hilhin ah, “Koici bangin Satan in Satan hawlkhia thei ding ahi hiam?
- Gam khat sungah mi kilem loin a kikhen leh, tua kumpi gam kip lo ding hi.
- Amah le amah a kilangpang a kikhenthang innkuan kip zo lo ding hi.
- Tua ahih manin Satan zong amah le amah kido-in a kikhen leh, kip zo loin a bei ding hi.
- Ahi zongin kuamah in mi thahatpa hencip masa loin tua pa’ inn sungah lutin a neihsa lakkhiatsak thei lo hi. A hencip khit ciangin a inn a luh thei pan ding hi.
- “Ken a man takpi kong genin ah, mite’ mawhnate khempeuh le Pasian gensiatnate khempeuh kimaisak ding hi.
- Ahi zongin Kha Siangtho a gensiate ahih uh leh a mawhna uh kimai sak ngei lo ding hi; amah in tawntung mawhna a bawl mi ahi hi,” a ci hi.
- Bang hang hiam cih leh tua mite in, “Ama in kha nin a nei hi,” a ci uh hi.
Hi in Topa’ Lungdamna Laisiangtho ahi hi.
