First Day of Annual Assembly Mass Presided by Msgr. John Deng Cin Khup (30.1.2025)

Tuni Kalay Diocese Siampite kumcin thu kikupna amasa ni Msgr. John Khup in Missa Biakpiakna hong makaih banah Pasian kammal tawh kha-an vakna hong nei hi.
A mah in Siampi hihna ii a thupitna tuni aa lungdamna Laisiangtho leh ama ii a tuah khak thu te bulphuhin hong gen hi.
Ama in Ordination pan a kingah Siampi khat ii thuneihna (power) a manphatna leh tua power in mihing te tung bek hilo in dawi te tungah vangliatna a neihna te a genkhit banah “anei te ki pia beh dinga na neilo te tung pan a neih sunsun ki lakkhiat sak ding hi” cih bulphuhin Pasian hongpiaksa ih Talent te Pasian aa dingin zang leng Pasian in hong pia thuah thuah lai ding hi ci-in ih Talent te ih zatsiam nang hong han thawn hi.