Profession of Perpetual Vows by the Little Way Sisters of St. Theresa at Sts. Peter & Paul’s Church (2.2.2025)
Tuni Sts. Peter & Paul Biakinn pi ah St. Theresa Nungak Siangtho (9) in Khantawnin Pasian na sem ding cih kiciamna bawl uh hi.
Tua Pawipi sung Missa Biakpiakna pen Kalay Diocese hongcing hongkem Bishop Felix in hong makaih in Siampi te (35) leh thuzuite mi (1500) kim kihel thei uh hi.
Khantawn kiciamna a bawl nungak siangthote in
- Sr. Rebecca Niang San Cing (Kalay Diocese)
- Sr. Maria Thian Rem Aung (Hakha Diocese)
- Sr. Lucy Nia Nia Zing (Hakha Diocese)
- Sr. Jacinta Mai Ra (Bamaw Diocese)
- Sr. Monica A Maw (Pyay Diocese)
- Sr. Regina Thu Si May (Mandalay Archdiocese)
- Sr. Celestina Naw Nan Wai (Taungngu Diocese)
- Sr. Lucy Hat Nun Them (Kalay Diocese)
- Sr. Cecilia Cing Ngaih Huai (Kalay Diocese) te ahi uh hi.
Khantawn kiciamna hun man ciangin St. Theresa sang pan a Siapinu Sr. Maria Van Nei Kim in hih khantawn kiciamna a ngah Nungak Siangtho te in tu pan ki panin hih Nungak Siangtho kipawlna sungah Siapinu teel na ding Mee phiak theihna leh Mee ngah theihna ding vaipuak nei uh hi ci-in tangko na nei hi.
Tua khitteh lungdamkoh thu genna leh amaute ii om na ding posting te tangko na zong nei pah hi.
Missa Biakpiakna a man khit ciangin Man kilaakna leh Biakinn a kikhawm mipite in St. Theresa Nungak Siangtho te piak Buhcim leh Aksa a lim mahmah nekna nei uh hi.
