Bukphir Khua ah St. Theresa Nungak Siangthote Inn Honna Pawi (2.3.2025)
Bukphir Khua Nungak Siangthote Inn lam ding pen Rev. Fr. Matthew Tong Za Ngam hun panin hanciamin Project gelhin sum zong ki pan in Rev. Fr. Bosco Thang En Pau in zomto in sum zonna leh inn lamna te ah thuzui mite tawh kithutuak takin ma pang khawm a hih manin Nungak Siangthote inn a hoih mahmah khat nei zo uh a hih manin ih Biak Topa Pasian tungah lungdam ih ko hi.
Inn hon pawi a man khit ciangin Bukphir Parish sung pan naupang (100) in Christma hanthohna sangin tha ngah huai mahmah hi.
Bukphir khua ah nitak nih sung lenkhopna nasia takin kibawl in tha kingah mahmah hi. Pawi sungah Tangval Siangtho (3), Siampi (5), Siadawpa leh Nungak Siangtho (20) kim kihel thei in thuzui te zong Tonsim lam pan hita leh Laitui Parish, Tuithang Parish leh Dalkhai Parish te pan ki pai in mipi zong pawlcing ahih manin tha kingah mahmah hi.
