Zehtanna thu

Kha thu lamah tang cih bang a omlo thu khatin zehtanna hi. Zehtanna in a thahat mahmah kha thu sungah khantohna lim hong lak banah thungetna leh antannate bekin dawi ze-etna te zo hi ci-in Topa Jesu mahmah in hong gen hi. (Mk 9: 29)

A taktakin zehtanna in zehtanhun sung bek hilo, ih nisim nuntakna sungah ih zuih den ding thu khat hi.

Tua ahih manin St. Thomas Aquinas in zehtanna thu nam (3) hi bangin gen ngei hi.

Si leh sa lunggulhna zawh na ding.

Zehtanna in lungsim deihnate leh lunggulhna te kepcing zawh nading in hong huh hi.

Vantung nopsakna lunggulh nading

Zehtanna in tawmvei sung nopsakna hong pia, neih leh lamh te leh nek theih dawn theih te tungah ki ngakna sangin a tawntung nopsakna hong pia, Pasian tawh kigawmna lunggulh nadingin hong panpih hi.