St. Philomena Chapel ah Living Rosary Prayer Group te Kikhopna (22.3.2025)

Kalay Diocese sunga om a nungta Khi thungetna kipawlna sunga a kihel mite khempeuh aa dingin Sts. Peter & Paul Parish acing akem Rev. Fr. Maximian Mungpi makaihna tawh Pa Tun Hau Pau te innkuan ii a piakkhiat St. Philomena Chapel ah Missa Biakpiakna pen March 22, 2025 ni-in ki nei hi.
Hih Missa Biakpiakna sungah Siampi (4) leh thuzuimi (150) kim kihel thei hi.
Missa Biakpiakna a ki patma in Denmark gam aa om Pa Peter Tuangpu leh Nu Helen Niang te innkuan ii a piak khiat Misiangtho Philomena ii lim thupha piakna kinei masa hi.
Missa Biakpiakna hun sungin Siampipa in Misiangtho Philomena ii tangthu Pasian a upna leh Siangthona tawh ama nuntakna Pasian aa dingin a ki pumpiakna te a nungta khithungetna kipawlna sung a a kihel mimal khat kim ciat in a etteh theih nang un hilhcianna nei hi.
Missa Biakpiakna a man khit ciangin a kikhawm teng Pa Peter Tuangpu leh Nu Helen Niang te innkuan in a kikhawm teng Buhcim leh Aksa tawh anvakna nei hi.
Diocese sunga om Prayer Group te in zong amaute ii kipawlna mun ciatciat uh ah lawptakin thunget khopna nei thei zel uh a hih manin tha ngah huai mahmah hi.