Catholic Nisim Lungdamna Laisiangtho.Easter Nipi Kaal (6) Na.25.5.2025 (Sun)

John 14:23-29

23. Jesu in ama kiangah, “Kei hong it mite in ka thu zui ding uh a, ka Pa in amaute itin, amaute kiangah ka pai ding uh a, amau tawh ka omkhawm ding uh hi.
24. Kei hong it lo mi in ka thute zui lo ding hi; na zak uh thu in kei’ aa hilo a, ahi zongin, kei hong sawl Pa’ thu ahi hi.
25. “Note tawh kong om sungin hih thute khempeuh kong gen khin zo hi.
26. Ahi zongin ka min tawh Pa in hong sawl ding Palaai, Kha Siangtho in na khempeuh note hong hilh dinga, note’ kiangah kong gen khempeuh hong phawkkiksak ding hi.
27. Lungnopna note kong nusiat hi; keima lungnopna note kong pia hi. Leitung mite’ piak bangin keimah in note kong pia kei hi. Note na lungkham kei unla, na lau kei un.
28. Note in, ‘Kei, ka ciah hangin note’ kiangah kong paikik ding hi,’ ka cihna thu na za khin uh hi. Note in kei nong it uh leh, Pa’ kiangah ciah ding ka hih manin na lungdam ding uh hi. Bang hang hiam cih leh, kei sangin Pa a lianzaw hi.
29. Hih thu a pian cianga na up theihna dingun a pian ma-in note’ tungah tu-in kong gen hi.

Hi in Topa’ Lungdamna Laisiangtho ahi hi.