Catholic Nisim Lungdamna Laisiangtho.Hun Nautang Nipi Kaal (12) Na.24.6.2025 (Tue)

Luke 1:57-66.80

57. Tu-in Elizabeth nau suah hun tung ta a, tapa khat a nei hi.

58. Topa in ama tungah hehpihna lianpi a lahna a vengte le a tanaute in a zak uh ciangin a lungdampih uh hi.

59. A suah zawh a ni giat ni ciangin naungek vun-at dingin amaute hong pai uh a, a min a pa Zechariah tamsak dingin a kisa uh hi.

60. Ahi zongin a nu in, “Hilo hi! amah John kici ding hi,” a ci hi.

61. Amaute in Elizabeth’ kiangah, “Hih min a nei na tanaute’ lakah khat beek om ngei lo hi,” a ci uh hi.

62. Tua khit ciangin amaute in a pa’ kiangah, “Bang phuak nuam na hi hiam?” ci-in khut tawh lim lakin a dong uh hi.

63. Zechariah in suanglai khat ngenin, “Ama min John ahi hi,” ci-in a gelh hi. Amaute khempeuh in lamdang a sa uh hi.

64. Tua khit phetin Zechariah’ kam kihong a, a leii kikhahin pau hong kipana Pasian a phat hi. 65. A vengte khempeuh lau uh a, tua thu khempeuh Judea mualtung gam khempeuh ah a kizeel hi.

66. A zate khempeuh in a lungsim sung uh ah ciamteh uh a, “Hih naungek in bangci bang mi hi ding ahi hiam?” a ci uh hi. Bang hang hiam cih leh, Topa’ khut in amah ompih taktak hi.

80. Tua naungek hong khangin, kha lamah hong thahat a, Israel mite’ tungah a kilaak ni matengin gamlak ah a om hi.

Hi in Topa’ Lungdamna Laisiangtho ahi hi.