Pope Leo XIV Tangthu
Pope Leo XIV na in, America gam Chicago khuapi a teng, France le Italy minam, Pa,
Louis Marius prevast leh Spain minam Nu, Mlldred Martinez Sungpan in, 1955
September Kha (14) ni-in, a suak hi. Sanggam nih nei a, Mr.Louis Martin le Mr. John Joseph te ahi uh hi.
1977 kum ciangin, Augustine Siampi te sang lut in, Pennsylvenia a om Villanova Univasity pan in, Math pilna tawh lukhu neelkaai a ngah hi. Tua hun sung mah in, Philosopy zong a sinbeh laai hi.
1977 September kha (1) ni ciangin Chicago State sung a om, St. Luis Sang, St.Aungustine Siampi te sangah a lut hi. 1978 kum September kha (2) ni ciangin St.Augustine Siampi kipawlna ah, a masa pen kiciam na ahong nei thei hi. 1981 August kha (29) ni the khantawn kiciam na a hong la kik leuleu hi.
1982 kum ciangin Chicago khua pi a om Catholic Theological Union ah, Pasian
thu a hongsin leuleu hi. Hih kumsung mah a pian zawh kum (27) ahong cin ciangin,
Rome khuapi St. Thomas Aquinas ( Angelium) ah, Pontifical University sangah, Canon Law sin dingin, makaipi ten a pai sak hi.
Tua hun sung June kha (19) Rome St. Monica
Augustine College ah, Archbishop Jean Jadot khuttung panin, Pasian Siampi suahna a sang hi.
Tua khit ciangin, Pope John Paul-Il- in, Vatica zumpi sungah biakna tawh kisai
thu kikupna munaha makaipi dingin vaaipuak a pia pah hi.
1984 kum ciangin, Licentiate tawh lukhu neelkaai a ngah khit ciangin, (Ph.D) lukhu
neelkaai ngah theihna ding lai agelh sungin, Ama Siampi kipawl na ten, Peru gam Chulucas munah Mission sem dingin (1985-1986) kum sung apai sak hi.
1987 kum the The role of the local prior in the Order of St. Augustine thulu pi tawh (Ph.D) lukhu neelkaai a ngah hi. Amah pen Olympia fields lILinois (USA) gam a om Mother of Good Counsel, St. Augustine ki pawlna pualam Mission na sep na-ah, Thuvaanpi leh Biakna na sem te tawh kisai Thuvaanpi dingin teelna angah hi.
Peru gamah Mission
nasepna
1988 kum the Peru gam Trijillo munah, St. Augustine Siampi pawlte Missionsepna ding munahi, Apurimas, quitos, chulucamas, munte ah, pawlpi mite a cing, akem te nasepna munah Projcak ii thu vaanpi dingin vaai puak pia beh uh hi.
Makaipi a sepna.
1988-1992 kum sungin, St. Augustine Siampite kipawlna makaipi vaaipuak asem hi.
1988-1998 kum sungin, St. Aungustine Siampite ki pawlna ah, Formator dingin, vaaipuak aneihbeh leuleu hi.
1989-1998 kum sungin, Trijillo Archdiocese ah Judicial Vicar tavuan a len sak hi.
1992 – 1999 kum sungin, San Carlosy San Marcelo a om Siampi sinna University ah, Canon Law, Patristius and Moraltheology te ahilh ban ah, St. Ritaa Parish Priest tavuan leh Our Lady of Montserrat Diocese gam a uk, a kem dingin, hun khat sungin vaaipuak tampi te a len khawm sak uh hi.
1999 kum ciangin, USA gam Chicago khuapi a om Mother of Good Counsel, St.Augustine Siampi kipawlna te makaipi vaaipuak te angah ban ah, kum (2) khit ciangin St.Augustine Siampi kipawlna buppi adingin, makaipi kisem sak leuleu hi.
2007 kum ciangin, anih veina ki teel kik leuleu hi.
2013 Octorber kha pan in, Amau Siampi kipawlna makaipi a sep ban ah, (2014)
November (3) ni ciangin Sugar mun adingin, Titular Bishop le Peru gam Chicago Diocese ii Pope Delegate dingin, tavuan kipia beh lai hi.
2014 December (12) ni Guadalupe Tonu pawi ah, St.Mary Cathedral a om Pope Delegate James Patrick Green in ama munah Bishop sem dingin vaaipuak a piak beh laai hi. (2018-2023) kum sungin, Peru gam, Chichago Diocese Bishop tavuan a sem hi.
Pope zum ah munlakna
2023 January kha (30) ni ciangin, Pope Francis in, Rome Vatican ah sam kik
leuleu a, Latin America gamte tawh kisai, Vatican zumpi ah, Thu neipi leh Bishop te
kipawlkhopna ah thuvaanpi dingin vaaipuak te a pia hi.
2023 September kha (30) ni ciangin, Pope Francis in a mah Cardinal za apia hi.
(267) Pope Leo XIV Suahna
Pope Francis a sih khit zawh ciangin, Cardinal Robert Francis Prevost, 2025 May
kha (8) ni ciangin, Pope dingin, teel ciing angah ciangin, amah in, Pope Leo XIV mintawh a (267) na Pope asem dingin, a hong ki pholaak pah hi.
Pope Leo XIV ama pian zawh kum (69) cin kum, St. Augustine paaidaan azui, Siampi kipawlna alut, Cardinal Robert Francis Prevost in, amau Siampi kipawlna adingin, amasa pen leh America taih leilu lam gamte a dingin, Pope Francis zawh teh anihna Pope a sem ahi hi.
Fr. Peter Kyi Maung (RVA Myanmar )pan ka letkhiat ahi hi.
Sia, Bernard Lian, EV.
Kalay Diocesan Centre.
