Jubilee Mass at St. Mary’s Cathedral (3.7.2025)

Jubilee kum sung Indulgentia ngah nang Kalay Zone teng in khasim in a bawl uh Jubilee Missa Biakpiakna pen tuni -in St. Mary Parish te makaihna tawh St. Mary Cathedral ah kibawl hi.
Missa Biakpiakna a ki patma in mawhsutna ki nei photin tua khitteh Rev. Fr. Maximian Mungpi (PP of Sts. Peter & Paul) in Indulgentia tawh kisai hilhcianna nei hi.
Missa Biakpiakna pen Msgr. John Khuppu in makaih in amah in Jubilee tang thu leh Jubilee thupha ngah na dingin bang teng sem ding cih thute genkhiatna nei hi.
Biakapna hun sungin mawhmaina ngah ding lunggulhna tawh Kalay Diocese ii uksung gamlim (​မြေပုံ), Leitang, Kumpi nasemte, Lokho te, Pasian nasemte, Thuzuite, thungetna kipawlna tuamtuam te aa ding cih bangin amaute tang dingin Biakapna van piakna nei hi.
Missa Biakpiakna sungah Siampi (9) Deacon (3) leh Thuzuite (1500) kim kihel thei hi.