သီလရှင် သင်္ကန်း၀တ်ရုံခံယူခြင်း၊ ဂုဏ်ပြုပွဲ ၊ စိုက်ခင်းရွာ (July 5-6, 2025)Innkhat Sung pan Unau Nih Nungak Siangtho Suak

St. Joseph Nungak Siangtho sang pan Nungak Siangtho a suak thak Sr. Maria Cing San No ama teenna Saih Khin khua (Aye Thar Yar) ah a innkuanpih te leh khuapih, Pawlpi mite in lungdamkohna pawi nasia takin bawlsak uh hi.
Saih Khin Khua pen St. Mary’s Cathedral Parish huam sung hi-in thuzui mi inn (7) bek a omna khua ahi hi.
Tua khua sung pan Sr. Angela Nuam Deih Vung pen Nungak Siangtho a suak masa hi-in amah pen St. Benedictine Nungak Siangtho Sang pan ahi hi.
Tu in ama ii a nau nu Maria Cing San No Nungak Siangtho a suah ciangin Inn khat sung pan Nungak Siangtho nih a suak a hih manin a innkuanpih te leh Pawlpi mite in lungdamkohna Pawi nasia takin a bawlsak uh ahi hi.
Tua sungah Kalaymyo, St. Mary Parish panin Pawisim te July 5, ni-in zin tungin Pawl tuam pan a khuazang in ki kaikhawm in St. Padre Pio Piak inn tual ah Pahtawina nasia kakin bawl uh hi.
Lungdamkoh Missa Biakpiakna pen July 6, 2025 ni-in bawlin tua sungah Siampi (4), Nungak Siangtho (5), Thuhilhsia te leh thuzuimi (50) kim kihel thei hi.