Catholic Nisim Lungdamna Laisiangtho.Hun Nautang Nipi Kaal (15) Na.15.7.2025 (Tue)

Matthew 11:20-24

20. Tua khit ciangin na lamdang a tampen a lahna khuapite in, a mawhna uh kisik kik lo uh ahih manin hih bangin mawhsakna thu Jesu in a gen hi:
21. “Chorazin(b) le Bethsaida khua mite aw, note in gimna lianpi na thuak ding uh hi! Bang hang hiam cih leh, note’ tunga kong lah na lamdangte Tyre khuapi le Sidon khuapite ah a kilak hi peuhmah leh, amaute in sawtpi pekin ippi puan silh ding uh a, vut kinuhin, a kisikkik khin ding uh hi.
22. Ahi zongin note’ tungah kong genin ah, thukhen ni ciangin note in Tyre khuapi le Sidon khuapite’ sangin gimna na thuakzaw ding uh hi.
23. Nang, Capernaum khuapi aw, nang zong vantung dongin hong kipahtawi ding kisa na hi hiam? Hell khuk a sungtawng’ dongin hong kikhiasuk ding hi. Bang hang hiam cih leh nangma’ sunga kilak na lamdangte Sodom khuapi sungah a kilak hi leh, tua khuapi tu-ni dongin omlai ding hi.
24. Ahi zongin note’ tungah kong genin ah, thukhen ni ciangin Sodom khuapi’ thuakna in note’ thuakna sangin thuaknop zaw lai ding hi,” a ci hi.

Hi in Topa’ Lungdamna Laisiangtho ahi hi.