Catholic Nisim Lungdamna Laisiangtho. Hun Nautang Nipi Kaal (16) Na. 21.7.2025 (Mon)

Matthew 12:38-42

38. Tua khit ciangin lai siangtho siamte le Pharisee-te pawlkhat in, “Sia aw, kote in nangma kiang panin na lamdang khat ka mu nuam uh hi,” ci-in Jesu’ kiangah a ngen uh hi.
39. Ahi zongin Jesu in amaute dawnga, “A tatsia le numei pasal mawhna a bawl tu-lai khang mite in lim khat hong ngen uh hi, ahi zongin kamsangpa Jonah’ lim longal lim dang bangmah kilak lo ding hi.
40. Bang hang hiam cih leh Jonah in ngapi’ gil sungah sun thum le zan thum sung a om mah bangin, Mihing’ Tapa zong lei sungah sun thum le zan thum mah a om ding hi.
41. Thukhen ni ciangin Nineveh khua mite in hih khang mite’ langah ding ding uh a, a mawhsakna thu hong gen ding uh hi. Bang hang hiam cih leh, amaute in Jonah’ thuhilhna hangin kisikin a kikhel uh hi. Tu mah mahin hih lai-ah Jonah sanga lianzaw mi khat a om hi.
42. Thukhen ni ciangin leitaw lam gam’ Kumpinu in hih khang mite’ langah dingin amaute a mawhsak ding hi. Bang hang hiam cih leh tua nu in Solomon’ pilna a ngai dingin a gamlapi leimong khat panin hong pai ahi hi. En un, hih lai-ah Solomon sanga lianzaw mi khat a om hi.

Hi in Topa’ Lungdamna Laisiangtho ahi hi.