Nu le Pa te tunga Ta te vai puak
“Na Nu le na Pa zahtak in.” (Pai 20: 12)
Ta te aw Nu le Pa te zahtak un. Hih in kamciamna tawh thupiak masa ahi hi. (Eph 6: 1-3)
Nu le Pa te in ta te adingin Pasian mahmah ii hong piak a hoihpen thupha hi.
Nu le Pa te thupi bawl un.
Hi leitung ii Pasian khat ahi uh hi. (Gen 12:3)Hi Laisiangtho kammal in thupha tawh ki bang kammal hi.
Nu le Pa te thu hilhna te zui in.
Nu le Pa te in ta te adingin Pasian’ palai, Pasian tang mi te ahi uh hi. (Pau 13: 24)
Nu le Pa te ii hong thu hilh na te khempeuh, na lungtang sungah gelh in. (Pil 7: 1-27)
Bang hang hiam cih leh Nu le Pa te in ta te adingin Pasian tang mi te ahi uh hi.
Nu le Pa hong thu hilhna te thupi sak unla kem cing un.
Bang hang hiam cih leh Nu le Pa te in ta te adingin a masa pen sia/siama te ahi hi. (Pau 22: 6)
Nu le Pa hong gen thu te zui-in nungta in. (Pau 6: 21)
Bang hang hiam cih leh ta te in Nu le Pa te ii lungtang te hi.
Nu le Pa thu mang in.
Nu le Pa te thu mang na in pilna hong khang sakin Pasian mai leh mi te mai ah maipha hong ngah sak hi. (Lk 2: 51, 52)
Nu le Pa te in ta te, mi tawh ki pawlna, ki zopna te ah amasa pen hong hilh te ahi hi.
Tua a hih manin Mt 15: 4 sungah “Na Nu na Pa zahtak in. Hi in Pasian thu kham ahi hi” ci hi.
Tua ahih manin ta te in Joseph leh Maria te’ kepna nuai ah a om naupang Jesus etteh in Nu le Pa te tungah bawl ding vaipuak te hoih takin sep ding ahi hi.
July (26) ni, Nu le Pa te pawi ni cih in a nungta lai Nu le Pa te hitaleh hong nusia sa Nu le Pa te hitaleh amaute’ tungah lungdam koh ding ni thupi khat ahi hi. Tua banah Nu le Pa zahtak in cih thukham pen teci panna ni zong ahi hi.
Nu le Pa te zahtak lo-in zahpih bawlna in mawhna lian hi ci-in Laisiangtho in gen hi. (Mt 15: 4)
Ta te aw, Pasian deihna thu in Nu le na Pa zahtak ding ahi hi.
Nu le Pa thu manglohna hang apiang siatna te
Nu le Pa te a simmawh bawl mi in samsiatna thuak ding hi. (Thu 27: 16)
Nu le Pa te a samsiat mi in khuamial sunga meivak kisumit bang ding hi. (Pau 20: 20)
Ka ta aw, na Pa hong thupiakte zui inla, na Nu hong thu hilhna te mangngilh kei-in. (Pau 6: 20)
Mihai khat in a Pa thu hilhna te thudon lo hi. (Pau 15:5)
Nu le Pa te a samsiat mi in thahna thuak takpi ding hi. (Lev 20:9)
Pasian thukham in na Nu le na Pa zahtak in. Mi khat peuhin a Nu le a Pa tungah kam tawh mawh hi. Tua mi si taktak ding hi ci hi. (Mt 15: 4)
Na nu le na pa zahtak in. Nang leh nang na ki-it bangin na veng te zong it in. (Mt 19: 19)
Na nu le na pa zahtak in. Hi in kamciamna tawh thupiak masa ahi hi. (Eph 6:2)
Nu le pa te a samsiat mi peuhmah in thahna thuak ding hi. (Pai 21: 17)
Na lungsim khempeuh tawh Topa muang inla, ama tungah ki-ap in. (Pau 3: 5)
“Nu le Pa te zahtakna in khan hong sau sakin ih tun na peuh ah hong mapai sak hi.” (Deut 5: 16)
Nu le Pa thupha te phawkin Nu le Pa te lungnopna a pia zo ta te ahi zo dingin Topa’n thupha hong pia kim ciat ta hen.
