Catholic Nisim Lungdamna Laisiangtho.Hun Nautang Nipi Kaal (18) Na.9.8.2025 (Sat)

Matthew 17:14-20

14. Mihonpite’ omna ah amaute a tun uh ciangin mi khat a kiangah pai-in ama mai-ah khukdin a,
15. “Topa aw, ka tapa hong hehpih in. Amah in sibup natna vei-in a gim mahmah hi. Mei sung ahi a, tui sungah ahi zongin, a puk zelzel hi.
16. Na nungzuipite’ kiangah ka paipih hangin, a damsak thei kei uh hi,” a ci hi.
17. Jesu in, “Upna nei lo, a lehtat khang mite aw, note tawh bang tanvei hong ompih lai ding ka hi hiam? Bang tanvei hong thuak lai ding ka hi hiam? Amah ka kiangah hong paipih un,” a ci hi.
18. Jesu in tua naupang’ sung panin dawi a paikhiatna dingin thu pia a, dawi taikhia-in naupang a dampah hi.
19. Tua ciangin nungzuipite in Jesu’ kiangah, “Bang hangin kote in tua dawi hawlkhia thei lo ka hi uh hiam?” ci-in a dong sim uh hi.
20. Amah in, “Na upna uh neu lua ahih man ahi hi. Ken a man takpi kong genin ah, note in ankam tang khat cia bang upna na neih nak uh leh, hih mual kiangah, ‘Hih mun panin hua lai-ah kin in,’ ci-le uh cin kikhinkhia ding hi. Note’ aadingin ahi theilo bangmah omlo ding hi.

Hi in Topa’ Lungdamna Laisiangtho ahi hi.