Catholic Nisim Lungdamna Laisiangtho.Hun Nautang Nipi Kaal (19) Na.15.8.2025 (Fri)

Matthew 19:3-12

3. Pharisee-te pawlkhat in amah a ze-et dingin a kiangah hong pai uh a, “Thu khat peuhpeuh hanga mi khat in a zi a makna in thukham tawh kituak ahi hiam?” ci-in a dong uh hi.
4. Jesu in, “A kipatcilin a Piangsakpa in ‘numei le pasal a bawl hi,’
5. ‘Hih thu hangin pasal in a nu le a pa nusia-in, a zi tawh kigawm dinga, amaute gel ci khat, pum khat a suak ding uh hi,’ cih thu Lai Siangtho sungah sim kha ngeilo na hi uh hiam?
6. Tua ahih manin amaute nih hi nawn loin, pumkhat ahi uh hi. Tua ahih manin Pasian’ gawmsate kuamah in khen kei hen,” ci-in a dawng hi.
7. Amaute in, “Tua ahih leh, bang hangin Moses in mi khatpeuh in makna lai pia-in a zi mak theihna ding thu kote hong pia ahi hiam?” ci-in a dong uh hi.
8. Jesu in, “Na lungsim uh khauh lua ahih manin zi na mak theihna dingun Moses in phalna hong pia ahi hi.
9. Ahi zongin a kipatcilin hih bang hi lo hi. Note’ tungah kong genin ah, siangtho lohna longal a zi ma a, a dang khat a teenpih peuhmah numei le pasal mawhna a bawl ahi hi,” ci-in a dawng hi.
10. A nungzuipite in Jesu’ kiangah, “Nupa kal thu hih bang ahih leh kiteen loh ding hoih zaw hi,” a ci uh hi.
11. Ahi zongin Jesu in, “Hih thu pen mi khempeuh in zui zo lo ding uh hi, ahi zongin thu a ngahte bek in a zui zo ding uh hi.
12. *Pawlkhat a nu sung panin gehsa-in suak uh a, pawlkhatte mite’ geh hi-in, pawlkhatte vantung gam aadingin geh mah bangin a om uh hi. Hih thu a zui zote in zui ta uh hen,” a ci hi.

Hi in Topa’ Lungdamna Laisiangtho ahi hi.