Legion of Mary Prayer Group Made Devotion to Mary on the Feastday of the Queenship of Mary (22.8.2025)
Tuni Tonu Maria Vantung Kumpi Nu a suahna Pawi ni-in Legion of Mary, မယ်တော့်တမန်တော်အသင်း၊ Tonu Maria Galkap kipawlna sunga a lut tengin Siadaw huang Legion of Mary te ii Zum sungah thu nget khopna nei uh hi.
Tuni pen Tonu Maria Vantung Kumpinu asuahna pawi Pawlpi in hong bawlsak hi. Topa Jesu in Pilat mangpa leh Juda Ulian te kiangah keima ukna gam pen hih leitung hilo hi Vantung gam hi a cih mah bangin a Nu Tonu Maria Zong Vantung Kumpinu suaksak hi cih phak ni.
Tonu Maria ii Kumpi sepna pen leitung kumpite bangin thuneihna tawh ukna aana a lak hi lo-in itna leh hehpihna tawh leitung mite a Tapa Jesu kiang puak ahih man in a Tapa in zong amah pen Vantung Kumpinu lukhu a khusak ahi hi.
Ama ukna sunga a om mite khempeuh in kilemna leh nopsakna ngah den uh hi. Tua ahih manin leitung buppi ah kilemna leh nopsakna a om semsem na dingin Legion of Mary, Tonu Maria Galkap te in Khithungetna tawh eite aa ding gal a hong dosak den te uh a hi hi.
Hih Legion of Mary Tonu Maria Galkap te nasepna te tang zai semsem in leitung mite khempeuh Tonu Maria ii Kumpi hihna sungah a kihel kim zawh nangun thu ngetsak ciat ni.
Mary Queen of Peace: Pray for us.
