Catholic Nisim Lungdamna Laisiangtho.Hun Nautang Nipi Kaal (21) Na.28.8.2025 (Thurs)

Matthew 24:42-51

42. Tua ahih manin na Topa uh hong pai ding ni thei lo na hih manun na kiging khol un.
43. Ahi zongin hih thu na theitel un: gutate hong pai ding hun inn neipa in thei khol hi leh, a inn a luh lohna dingin a pang ding hi.
44. Tua ahih manin, note zong na kiging khol un. Bang hang hiam cih leh na lamet loh laitakun Mihing’ Tapa hong pai ding hi.
45. “Tua ahih leh ama inn sunga nasem dangte ukin, amaute a hun hunin an a pia dinga a topa in a koih a muanhuai a pil nasempa kua ahi hiam?
46. A topa hong ciah ciangin tua banga a sep laitak a tuah nasempa in thupha a ngah ding hi.
47. Ken a man takpi kong genin ah, a topa in tua nasempa a neihsa khempeuh a uksak ding hi.
48. Ahi zongin tua nasem gilopa in , ‘Ka topa hong zekai lai ding hi,’ ci-in a lungsim sungah ngaihsunin,
49. a naseppihte satgawpin, zu khamte tawh an ne, zu dawn khawm leh,
50. tua nasempa’ topa a upmawh loh ni le a khuadon loh hun laitakin tung dinga,
51. tua nasempa vua-in kahna le hagawina a omna munah mi hoih a kineih khemte tawh a koihkhawm ding hi.

Hi in Topa’ Lungdamna Laisiangtho ahi hi.