Feastday of H. E. Bishop Felix at Diocesan Centre, Kalaymyo (30.8.2025)

Tuni Siadawpa Pawi ni Zingsang (11:30 AM) hun in Kalaymyo Sunga om Siampite, Religious teng, Parish kim pan Thuhilhsia te leh Makai Upa teng leh Siadaw huanga Zumnasem teng Siadaw huangah hong pai-in Siadawpa nohsetna leh letsong piakna nei uh hi.
Siadawpa in hibangin ka Pawini in Letsong pia in nong pahtawi uh pen lungdam mahmah ing. St. Paul in “a nuam te tawh nuam khawm in adah te tawh dah khawm ding a cih pen a picing Christian te ii gamtatna ahi hi. Hi bangin note in nong lungdampihna uh pen apicing Christian nuntakna na neihna hang uh ahi hi” ci-in mipite tungah lungdam ko hi.
Tua banah tuni pen antan ni ding hilo a hih manin Diocese pan a hong kipiakhia Sun-an te zong an kamlim tak in nekhawm ciat ni ci-in hong pai mimal khat kim ciat itna ankuang um khawm dingin zawn hi.
Tua khitteh Fr. Robert Kam Khaw Hau in Siadawpa aa ding deihsak thungetna a neih khitteh annek thu ngetna hong makaih in a tawpna ah “Happy Birthday …” cih la sak khitteh lungnuam takin annek khopna ki nei hi.
Hih Sun-an nekna hun sungin mipi (150) kim pha dingin ki lamen hi. St. Felix belin Siadawpa aa ding thu ngetsak ciat ni.