Catholic Nisim Lungdamna Laisiangtho. Hun Nautang Nipi Kaal (27) Na. 7.10.2025 (Tue)

Luke 10: 38-42 Tu-in amaute in a khualzinna uh zomin a pai laitakun, khua khat ah lut uh a, Martha kici numei khat in ama inn ah a tungsak hi.
 Martha in Mary kici sanggam numei khat a nei hi. Mary in Topa’ khe phungah tu-in a thugente a ngai hi.
 Ahi zongin, Martha ahih leh, an nek ding teng bawlin manlah mahmah a, Jesu’ kiang ah va pai-in, “Topa aw, ka sanggamnu in nasep khempeuh kei bek hong sepsak phamawh sa lo na hi hiam? Kei hong huh dingin amah sawl in!” ci-in a gen hi.
 Ahi zongin Topa in ama kiangah, “Martha, Martha aw, nangmah in na tampi tungah lunghimawhin na kilunggimsak hi.
A kisam na khat bek a om hi. Mary in tua na hoihzaw teel khin a, ama tung pan kilakhia lo ding hi,” a ci hi. 


Hi in Topa’ Lungdamna Laisiangtho ahi hi.