Catholic Nisim Lungdamna Laisiangtho.Hun Nautang Nipi Kaal (28) Na.12.10.2025 (Sun)

Luke 17:11-19

Jesu in Jerusalem khuapi lamah a pai laitakin, Samaria gam le Galilee gam kikal gamgi dung zui-in a paisuak hi.
Khuaneu khatah a lut laitakin mi phak sawm in amah dawntuah uh a, Jesu tawh a kigamla munah dingin,
“Jesu, Topa aw, kote hong hehpih in!” ci-in a kiko uh hi.
Jesu in amaute a muh ciangin, “Pai unla, siampite’ kiangah va kilak un,” ci-in thu a pia hi. Amaute siampite’ kiangah a pai laitakun a dam siang uh hi.
Tua ciangin amaute’ lakah khat in a natna a dam siangna a kitheih ciangin aw ngaihtakin Pasian phat-a hong kilehkik hi.
Tua pa Jesu’ khe phungah bokin lungdam a ko hi. Hih pa pen Samaria minam ahi hi.
Tua ciangin Jesu in, “Mi sawmte in dam siangna ngah hi lo ahi uh hiam? A dang kuate koi-ah om ahi hiam?
Hih minam dangpa khat sim loh hong kilehkik a, Pasian a phat kuamah om lo ahi hiam?” a ci hi.
Tua ciangin Jesu in ama kiangah, “Tho inla pai in; na upna in nang hong damsak khin zo hi,” a ci hi.
Hi in Topa’ Lungdamna Laisiangtho ahi hi.