Monthly Recollection of Priests of Kalay Zone (11.9.2025)
Tuni Kalay Zone aa om Siampite Pasian thu lungngaihna pen Rev. Fr. Gabriel Suan Kap Lian ii makaihna tawh Diocesan Pastoral Centre, Kalaymyo ah noptak in ki bawl hi.
Amah in “Priests in Union with Christ, In Union with the poor and In Union with the victim” Siampite ii Topa Jesu tawh ki pumkhatna, Mizawngte tawh kipumkhatna leh Simmawh bawlsiatna a thuak a cimawh mite tawh ki pumkhatna om khopna cih thu lu tawh kha-an vakna nei hi. Amah in Pasian in mite muh loh asimtham in na hoih ih sepna tungtawnin eite thupha hongpia hi cih pen a nuai aa bangin gentehna tawh gen khia hi.
Tua sungah a mah in Siampite khat leh khat kizopna pen Misiangtho Pope John Paul II leh Siampi nasepna pan a lungkia lamet a bei Siampi khat ii a kizop na, tua siampipa tuangah Pope John Paul II in itna leh hehpihna a neih banah a mah tungah mawhsutna a neihna te Siampite khat leh khat kizopna ah etteh theih dingin gen khiatna nei hi.
Siampite leh mizawngte kizopna ah St. Martin in mizawng khutdawhngen khat tungah itna leh hehpihna tawh ama ii a puansilh laitak a piak khiat pen Topa Jesu tungah a pia khia hi ci-in a mangin a kilahna bulphuhin mizawngte tungah itna leh hehpihna neih theih semsem nangin gen khiatna nei hi.
A tawpna ah hih leitungah ihsep ih bawl khempeuh ii a ngimna bulpi pen Vantunggam tawntung nuntak nopsakna ih luah na ding a hi hi ci-in kha-an vakna nei hi.
Pasian thu lungngaihna, Khikhinna leh thungetkhopna teng a man khitteh Siampite aa ding a theih huai tuamtuam te thu zaksakna kinei-in tua sungah mipite aa dingin theih ding a kisam teng;
Oct 25 ni ciangin Jubilee of Consecrated Life cih thulu tawh Religious te aa ding Jubilee Pawi Siadawpa leh Siampite makaih na tawh Zingsang nai (8:30) in St. Don Bosco Selassion Sangah ki bawl ding cih thu, Tu aa Jubilee Kum bei ma teng Rome (Vatican) ah Jubilee thupha a sang dingin a pai nuam Siampite leh Thuzuite aa dingin Visa Yangon pan Pope Sawltakpa ii vaihawm sakna tawh baih takin kingah hi cih thu, Siampite zong a pai ding mi 6 bang pha khit cih thu leh November ni nih ni ciangin han ah Missa Biakpiakna om ding a hih manin han puah ding a kisapna thu te ki gen hi.
A tawpna ah Rome a pai nuam te pen Kawlgam sum teng (200) kim tawh noptak in ki pai thei ding ahih manin Sum nei thuzui mite aa dingin pai huai mahmah hi cih thu man pha a ki zasak sawn sawn ih hi hi.
