Jubilee of Consecrated Life at Don Bosco Youth Center, Kalaymyo (25.10.2025)

Tuni Catholic Religious Conference of Kalay (CRCK) te vaihawm siamna tawh Kalay Diocese hongcing hongkem His Excellency Bishop Felix Lian Khen Thang makaihna tawh Kalay Diocese sunga om Religious teng aa ding Jubilee Pawi pen Salessian sangah noptak in ki bawl hi.
Zingsang nai (8:30AM) in Missa Biakpiakna tawh ki pan in Missa Biakpiakna a mankhit ciang lamna leh lasakna tawh Pasian minphatna ki nei hi.
Sun an nek khit nitak lam in zong social game ci-in kimawlna tuamtuam ki nei hi. Tua sungah Don Bosco Sangnaupangte leh Community tuamtuam pan nungak siangtho sangnaupang teng ki helin nop ci mah mah hi. Hih pawi sungah Siadawpa leh Siampi (8) leh Sangnaupang (600) kim kipha in nopci mah mah hi.
Jubilee of Consecrated Life noptakin hong bawlzo sak ih Biak Topa Pasian tungah lungdam ih ko hi.