Monthly Recollection of Priests of Kalay Zone (8.11.2025)

Tuni Kalay Zone aa om Siampite ii kha sim aa a neih Pasian thu lungngaihna pen Rev. Fr. Damian Zam Sian Dal makaihna tawh Kalaymyo Siadaw Huang ah ki bawl hi.
Amah in (Lk15:17:5) Topa aw ka upna uh hong khangsak in ci-in Nungzuipite thungetna bulphuhin gen hi.
Tua sungah amah in ih upna tung tawnin Pasian thupha a kingah a hihna thu leh upna picing semsem leh thupha ih ngah te zong tam semsem a hihna thu gentehna tuamtuam tawh hilhcianna hong nei hi.
Tua khitteh thungetna teng pen Rev. Fr. Andrew Thang Ngaih in makaih in mawhsutna, khikhinna, Pasianthu lungngaihna leh thungetna tuamtuam te a ngeina bangin ki zomsuak hi.
Thuzaksakna ah Rev. Fr. Maximian Mungpi in Lungdamkohna leh maikha aa ding gelkholhna teng genin Msgr. John Khuppu in (Nov 14) ni ciangin Siampi suah pawi ding vai tawh kisai Deacon te Admission piakding vai leh Pasian thu lungngaihna a bawl ding vai teng gen in Rev. Fr. Joseph Kap Tung in Nov.17 ni ciangin Han vai tawh kisai Committee teng tawh thu kikupna a om ding vai leh Nov.25-27 sungin Thuhilhsia te Pasianthu sinbehna leh Pasianthu lungngaihna a om ding vai teng gen khiatna nei hi.