Catholic Nisim Lungdamna Laisiangtho.Hun Nautang Nipi Kaal (32) Na.10.11.2025 (Mon)

Luke 17:1-6

1. 
Jesu in a nungzuipite’ kiangah, “Mite mawhna a bawlsak ding thute pelh loin hong piang ding hi. Ahi zongin tua mawhnate a bawlsak mipa in gimna a thuak ding hi.


2. Hih naupangnote khatpeuh mawhna a bawlsak mi in a ngawng ah an gawina suang khihin tuipi thuk sungah kipaai leh, ama aading hoihzaw ding hi.
3. Tua ahih manin note na kikem un. Na sanggam in mawhna a bawl leh thu hilh inla, a kisikkik leh ama mawhna na maisak in.
4. Nang tungah ni khatin mawhna sagihvei hong bawl a, nang kiangah sagih vei mah hong pai-in, ‘Ka kisikkik hi,’ hong cih leh na maisak in,” a ci hi.
5. Tua ciangin nungzuipite in Jesu’ kiangah, “Ka upna uh hong khangsak in,” a ci uh hi.
6. Topa in zong, “Note in an kamtang khat cia bang upna na neih uh leh hih nailung ankung’ kiangah, ‘Na zung tawh kibotkhia-in tuipi sungah va po in,’ na cih uh leh, na thu uh hong mang ding hi.

Hi in Topa’ Lungdamna Laisiangtho ahi hi.