Jubilee of Education Mass at Assumption Intermediate Seminary, Kalaymyo (15.11.2025)

Kalay Diocese Jubilee tawh kisai vaipuak makaipi ahi Rev. Fr. Peter Lian vaihawm siamna leh Education Director Rev. Fr. Nicholas Cin Kam Thang hanciam na tawh Assumption Intermediate Seminary, KalayMyo ah Sangnaupangte aa ding Jubilee Pawi noptakin kibawl hi.
Tua sungah Missa Biakpiakna pen His Excellency Bishop Felix Lian Khen Thang in makaih in Missa Biakpiakna a man khit ciang Sangnaupangte tung pan Lamna, Lasakna leh amaute ii siamna tuamtuam lahkhiatna te ki bawl hi.

Missa Biakpiakna sungah Siadawpa in Sangnaupangte laihanciam ding tha pia in bangci bangin hanciam ding cih thu leh Phone te a val lua in zat loh nang leh a diak diakin Sangnaupang hun sungin phone zang naikei leh hoih zaw hi cih thu te leh guih theih kham theih tuam tuam te zat loh nangin hilhcian na nei hi.

Hih Jububilee Pawi pen Kalaymyo sunga om Pawlpi tawh a kizom Pilsinna sangte ah a kah Sangnaupang teng aa dingin a kibawl hi-in a beisa hun in kimawlna tuamtuam zong ki bawl khin hi.

Hih Pawi sungah Exhibition ci-in Sangnaupangte in amaute ii nasepna te Vinyl tawh lahkhiatna te zong kinei ih nopci mahmah hi.