Confirmation at St.Theresa Church, Tahan-Kalaymyo (29.11.2025)

Tuni Tahan St. Theresa Parish Priest Rev. Fr. Joseph Kap Tung Nung vaihawm siamna tawh Kalay Diocese acing akem Bishop Felix Lian Khen Thang in Naupangte mi (50) Christma Hanthotna (Confirmation) piakna nei hi.

Missa Biakpiakna sungah Siampilian pa in Christmas Hanthotna sanna ii a thupitna thu genin nidang lai-in Siampilian te zong a zinding hamsa a hih manin ngah ding baihlo in kum tampi sung ih ki puahpha in Pasian thu limtakin sin khitteh kingah zo pan ahihna thu te gen hi. Tua banah note in leitung ci leh leitung khuavak te na hih nangun hanciam un ci-in tha piakna nei hi.

Christma Hanthotna sanma in hilhcianna hun sungah Rev. Fr. Joseph Zo Mung in Christma Hanthotna sanna pen Khasiangtho sanna hi-in upna thute tetti pan theihna dingin Jesu Galkap suahna hi ci-in gen hi.

Tua khtteh Tuisawpna ih ngah laitakin ih kiciamna te pen Nu le Pa upna hangtawh a sang zong tampi om thei ding ih hih manin Christma Hanthotna hanthotna ih san ciangin Nu le Pa Upna hang tawh hilo in Tuisawpna ih san laitak aa ih upna thu te Umtak tak mah ing ci-in kiciamna hi-in mangkam in (Confirmation) ki ci-in tua ih upna pen ei leh ei kitel taktak ing ci-in kiciamna leh kipsakna leh Pawlpi in zong hinu hi pa upna kician mah hi ci-in kipsakna ahi hi.

Tu-in noteng pen Pawlpi in hong muangin Siampilian pa in Christma Hanthotna hongpia ahih manin note pen naupang hi nawnlo Pasian thu sungah a picing upna a nei Khasiangtho a sang te hi ta na hih manun na sansa Khasiangtho na sunguh ah nungta sak den in midang te tungah na upna te uh gamtat hoihna tawh na lah khiat ding uh kisam hi ci-in hilhcian na nei hi.

Kikhop man ciang Parish mintawh Naupang pawi bawlna, Certificate piakna te ki nei-in a ki khawm khempeuh sun an ki vak hi. Missa Biakpiakna sungah Siampilian pa leh Siampi (4) kihelin mipi za giat kim pha dingin ki lamen hi.

Christma Hanthotna a sang naupangte in a nuntakna te uh ah Khasiangtho makaihna bangin a gamtat zawh den nangun thu ngetsak ciat ni.