Catholic Nisim Lungdamna Laisiangtho.Advent Nipi Kaal (2) Na.13.12.2025 (Sat)

Matthew 17:9.10-13

9. Amaute mual tung pan hong kumsuk laitakun Jesu in amaute’ kiang ah, “Mihing’ Tapa in sihna pan a thawh kik matengin, hih na muhte uh kuama kiangah gen kei un,” ci-in thu a pia hi.
10. A nungzuite in, “Tua ahih leh bang hangin lai siangtho siamte in Elijah hong pai masa ding hi,’ ci uh ahi hiam?” ci-in a dong uh hi.
11. Jesu in, “Na khempeuh a bawl pha dingin Elijah hong pai masa khin takpi hi;
12. ahi zongin keimah in note’ kiangah kong genin ah, Elijah hong pai khin zo hi. Ahi zongin mite in amah theilo uh ahih manin ama tungah a utut-un a bawl uh hi. Tua mah bangin Mihing’ Tapa in zong amaute’bawlsiatna a thuak ding hi,” ci-in a dawng hi.
13. Tua ciangin Tuisawppa John’ thu a gen ahih lam nungzuite in a telthei uh hi.

Hi in Topa’ Lungdamna Laisiangtho ahi hi.