Monthly Recollection of Priests of Kalay Zone (13.12.2025)

Tuni Kalay Zone aa om Siampite ii kha sim aa a neih Pasian thu lungngaihna pen Rev. Fr. Robert Kam Khaw Hau makaihna tawh Kalaymyo Siadaw Huang ah ki bawl hi.

Amah in Cardinal Taggle ii thu gen “Renew Pilgrimage of Hope” cih bulphuhin Pasian kiang pan ih lamet pen a hoih bekbek lametna hilo in a sia zong lametna ahi hi cih thu gen hi.

Tua ban ah Rome a khualzinna tawh kisai in Laisunga kasim te ka mittawh ka muh teh ka lametna leh ka upna hong khang sak mahmah hi ci-in tetti pan na nei hi.

Tua khitteh Mipil thum te in Naungek Jesu a zon dan leh Herod Kumpipa in a zon dan a ki lamdanna leh mipil thum te lampi dang tawnin a ciah kik tawh kisai in eiten zong Topa Jesu ih muh khitteh lamlui zui nawnlo in lampi dang ih zuih ding a kisapna thu te “Zaw sop” cih laimal leh “Zaw leh” cih laimal tawh zaknop takin hong gen khia hi.

Tua khitteh mawhsutna, khikhinna, Pasian thu lungngaihna leh Sun hun thunget khopna te a ngeina bangin ki zang in hun man teh thu zaksakna tuam tuam zong om hi.

Tua te sung pan Jubilee Kum Diocese min tawh khak ni ding Dec 19 ni zingsang nai (8:30 AM) in ki pan ding cih thu te ki gen hi.